Tazwart

Tanaramant d tarmit n tudert, tabaylalt, s teɣzi n 15 isgassen; iɣella  tsgen yal ussis-nsen i talelet n yal anaram aken ad imɣur, ad yingiḍ, ad yidir tirmitin, ad t-yaren d aɣerman n umaḍal d anefri; d afulman ileli, d amdakul d amsetla, d amazday .

Amusu Anaram

Tanaramant,  d  amusu  asedwalan;  war  asertan   n  ilmeẓyen. ildi    i  yal  yiwen,  seg  yal  tara,  yal  aẓar,    mebla  asemgrid  deg  uzuf  naɣ  deg  usɣan. Itedu  s  twizi,  s  yeswi,  iked  umenzay  s  tarayt  i  ɣef  it-isali  win  i  ts-id-snulfan[1]. 



Tigejda n tanaramant

Tarayt Tanaramant
Tarayt tanaramant d abrid ara neḍfar aken ad naweḍ iswi asedwalan n tanaramant. Deg-s ṭam n iferdisen yal yiwen s umḍiq-is ur yeli anwa nezmer ad nesegri neɣ ad nekes.

Imenzayen   n    Tanaramant
Tanaramant   tedu  s  imenzayen-agi  :

  1. Amerwas  i  ilew
  2. Amerwas  i  wiyaḍ
  3. Amerwas  i  yiman

Tannudiwin n tanaramant

Tikti tagrawlit
Tanaramant tnulfa-d di tazwara n tasut tis 20, teder tnerna, xas ma amaḍal isɛeda tignatin n umrir ,maca tudsa tamnaḍalt n umusu anaram werǧin i tesmed azal n tmura d timeltaɣin am tiklet-a.

Takuta tatunt
 ‘’Ur tezmirem ara kunwi s ifaddaden, ad tgem ugar mebla ma teḍefrem wid i ken izwaren s imnayen, tamsalt tixutert deg ahil-nsen ilaq yal ass ad gen leqdic i yiwen, d ayen ilan daɣen deg ilugan-na ɣ, ma yela tetsum, get snat azekkayin, cfut bli targamt-nwen n ifadaden ad tgem takuta yal ass’’.Baden Bawel

Tamzayt
Tamzayt d aferdis agejan n tanaramant deg tannuda n ifaddaden (ger 11 ar 16 isgassen), Aṭas n temzayin ma duklen suɣulent aferdis iwumi qaren aguzdi

Tamzayt tesɛa 6 ar 8 n imeslaḍ n ifaddaden, d adeg n uselmed n ilmeẓyen s ilmeẓyen. tamzayt taferdist tenil s ufesnaw, s umarag n unmazul.

Afesnaw
‘’ma yela zemraɣ ad ferneɣ amḍiq amuran di tanaramant, ad sutraɣ aken ad iliɣ d Afesnaw’’Baden Bawel.

Afesnaw , d afaddad i d-ilan af uqaru n temzayt , d win isɛan deqs n termit d uneggeḍ ugar n ifaddaden niḍen , tamlilt-ines d talelt n ifaddaden niḍen aken ad sfarin.




Our fish is responsibly caught from sustainable sources.